20 novembre 2015

يا عَلَمْ بْلادي ما أَشْرَفَكْ                  بِضْلوعْنا وَحْدَكْ مَزْروعْ

رَفْرِفْ وْعَلّي ما أَعْظَمَكْ                  إنْتَ الأَصِلْ وِلْباقي فُروعْ

أَلْوانَكْ وَحْدا مْقَدَّسِه                      سَرْقوها وْخَلَطوا الأَلْوانْ

فَكْفَكوا حْروفَكْ لِمْكَرَّسِه                   مِساكينْ ضَيَّعوا العِنوانْ

وْتاهوا بْمَتاهاتِ وْهَلْوَسِه                  هَيْدا يْدينْ وْهَيْدا يِنْدانْ

وْنِسْيوك عَ تَلِّةْ حِصي                   وْظَنّوا عَمْ يِرْفَعوا البِنْيانْ

خانوكْ وبكِلّْ جِرْأَةْ وْمَلْقَسِه                صَرْخوا وْقالوا أَنا لِبنانْ

وإنْتَ ساكِتْ بِعْيونَكْ حَكي               وْبِخْيوطَكْ عَمْ يِغْلي الحَكي

أَحْرارْ يا وْلادي كونوا                           وْبَلَدْكُنْ قوموا صونوا

قوموا وَعّوا النّايمين                      طْرُدوا الفاسِدْ والفاسْدينْ

بيعوا الّي خان وْظَلَمْكُنْ                  وِاشْتِروا الصّالِحْ وِالصّالْحين

يا رْفاقي قِدّامِ الْعَلَمْ

رَحْ نوقَفْ وِنْقِلّوا نَعَم

نِحْنا أَحْرار وْأَحْبابْ

نِحْنا لِبنان الشّبابْ

وْتَالأَرْزِة ما تِتْوَجَّعْ

مَهْما تْغَرَّبْنا مْنِرْجَعْ

نْعَمِّرْ وِنْعَلّي البِنْيانْ

وْنِتْمَسَّكْ بِتْراباتو

مِتْل شْروش السِّنْديانْ

ومن بَعْدِ ألله نِعْبَدْ

نِعْبَدْ عَلَمْنا ولِبنان